CUF kujenga taifa lenye umoja, usawa na haki

Serikali itakayoundwa na kuongozwa na Chama cha Wananchi (CUF) baada ya uchaguzi mkuu wa Oktoba 25 inakusudia kujenga taifa lenye umoja, usawa na haki bila ya ubaguzi wa aina yoyote, kwa mujibu wa mgombea urais wa Zanzibar kwa tiketi cha chama hicho, Maalim Seif Sharif Hamad.

Mgombea Urais wa Zanzibar kwa tiketi ya Chama Cha Wananchi CUF Mhe. Maalim Seif Sharif Hamad, akiwahutubia wanachama wake katika mkutano wa hadhara uliofanyika viwanja vya Mwambe jimbo la Kiwani.

Mgombea Urais wa Zanzibar kwa tiketi ya Chama Cha Wananchi CUF Mhe. Maalim Seif Sharif Hamad, akiwahutubia wanachama wake katika mkutano wa hadhara uliofanyika viwanja vya Mwambe jimbo la Kiwani.

Akihutubia mkutano wa kampeni za chama hicho uliofanyika viwanja vya Mwambe, jimbo la Kiwani, wilaya ya Mkoani, mkoa wa Kusini Pemba, mgombea huyo wa urais alisema kwa kipindi kirefu wananchi wamekuwa wakinyimwa haki zao za msingi ikiwa ni pamoja na haki ya kuwa na kitambulisho cha Mzanzibari Mkaazi, na kwamba serikali yake itahakikisha kuwa kila Mzanzibari aliyetimiza sifa atapatiwa haki hiyo.

Sambamba na hilo, Maalim Seif amesema anakusudia kujenga taifa linaloheshimu haki za binadamu na utawala mwema, na hakuna mtu atakayekuwa juu ya sheria, akiongeza kuwa “Zanzibar inahitaji kuwa na mamlaka yake kamili ili kujenga uchumi madhubuti utakaowanufaisha wananchi.”

Wafuasi na wapenzi wa CUF wakisikiliza mkutano huo.

Wafuasi na wapenzi wa CUF wakisikiliza mkutano huo.

Maalim Seif, ambaye amekuwa makamu wa kwanza wa rais kwa kipindi cha miaka mitano sasa, alisema chini ya serikali itakayoongozwa na CUF, huduma za afya na elimu zitatolewa bila ya malipo, tofauti na ilivyo sasa ambapo wagonjwa na wazazi wamekuwa wakikabiliwa na michango mikubwa wanapohitaji huduma hizo.

Naye msaidizi mratibu wa kampeni za CUF kisiwani Pemba, Said Ali Mbarouk, alisema bila ya mamlaka kamili Zanzibar haitoweza kujikomboa kiuchumi na kijamii na akawataka Wazanzibari kumchagua Maalim Seif kuwa rais wa Zanzibar, kwani “ni kiongozi mwenye ujasiri, uwezo na uzalendo wa nchi yake.”

Mbarouk aliwasihi wananchi kupuuza vitisho vinavyotolewa dhidi yao, na badala yake wajipange kuweza kupiga kura tarehe 25 Oktoba mwaka huu.

Katika mkutano huo ambao jumla ya wanachama 678 wamejiunga na chama hicho baadhi yao wakitoka vyama vya ADC na CCM, Maalim Seif ameelezea matumaini yake kuwa ushindi wake katika uchaguzi ujao hautopungua asilimia 80.

Kabla ya mkutano huo uliojumuisha majimbo ya Kiwani na Chambani, Maalim Seif alitembelea mabwawa na kiwanda cha uzalishaji chumvi katika eneo la Mkamandume na kuahidi kuwa serikali atakayoiongoza iwapo atachaguliwa itatoa msukumo mkubwa kwa wazalishaji hao wa chumvi.

Katika risala yao iliyosomwa na Baraka Shaib Baraka, wazalishaji hao wa chumvi maarufu kiswani Pemba wamesema wanakabiliwa na uchakavu mkubwa wa mashine zao, jambo ambalo limepunguza uzalishaji kutoka polo elfu saba hadi polo elfu mbili.

Hivyo wameomba kusaidiwa mashine hizo pamoja na mabomba ili kukifanya kiwanda hicho kiende na wakati na kuongeza uzalishaji.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s